როგორ შევარჩოთ ქალის ფეხსაცმელი?
ძალიან ბევრ ქალს აწუხებს ტკივილი ზურგის და ხერხემლის არეში და არც კი იციან, რომ ეს არასასიამოვნო შეგრძნებები შესაძლებელია არასწორედ შერჩეული ფეხსაცმლის ბრალი იყოს.
ფეხსაცმელი ქალისთვის ჩაცმულობის სტილის განმსაზღვრელი უმნიშვნელოვანესი ატრიბუტია. თუმცა ყოველდღიურად არასწორედ შერჩეული ფეხსაცმლის ტარებამ, შესაძლებელია მის ჯანმრთელობაზე ცუდად იმოქმედოს.
როგორ უნდა შევარჩიოთ ფეხსაცმელი სწორედ? რა უნდა გავითვალიწინოთ მისი არჩევისას?
როცა ჩვენ გამართული ვდგევართ, დატვირთვა სახსრებზე და შემაერთებელ ქსოვილებზე თანაბრად ნაწილდება. როცა სხეულს არასწორედ მდგომარეობა აქვს მიღებული, ზოგიერთ კუნთებზე დაძაბულობა მატულობს, ზოგიერთი კი პირიქით ეშვება. პირველად იძაბება ფეხის კუნთები, შემდეგ დაჭიმულობა გადადის წელის არეში, ზურგზე და კისერზე. მოუხერხებელმა ან არასწორმა ფეხსაცმელმა შეიძლება არა მარტო მტკივნეული შეგრძნებების პროვოცირება მოახდინოს, არამედ სერიოზული დაავადებებიც კი გამოიწვიოს, ამიტომ ფეხსაცმელი სწორად უნდა ავარჩიოთ.
- ფეხსაცმელი „შპილკებზე“
შპილკების, როგორც მაღალ წვრილქუსლიან ფეხსაცმელებს ვუწოდებთ, ტარებისას ძალიან იცვლება სხეულის მდებარეობა. სხეულის სიმძიმის ცენტრი წინ გადადის, ხოლო თეძოები და ხერხემალი აღარ რჩება ერთ ხაზზე. რაც უფრო მაღალია ქუსლი, მით მეტია დისბალანსი. ამის გარდა, შეგიმჩნევიათ, რომ თუ ფეხსაცმელი არამყარია, წონასწორობის შესანარჩუნებლად საჭიროა მუდმივად წვივის და ზურგის დაძაბვა. ნაკლებად კომფორტული ფეხსაცმელი, ხშირად ხდება დაცემის მაპროვოცირებელი და დიდი შანსია ტრავმის მიღების – შეიძლება ამოიგდოთ კოჭი, ან დაიზიანოთ სხეულის სხვა ადგილი.
ასეთი ფეხსაცმელის ყოველდღიურად ტარებამ, შეიძლება ხერხემლის უკვე არსებული პრობლემები გაამწვავოს, ყველაზე მეტად, როგორც წესი წელის არე ზიანდება. ასევე ხდება ტერფის წინა ნაწილის გადატვირთვა, რის გამოც ის ფართოვდება. ამის შედეგად შეიძლება დაიწყოს ფეხის თითების და ფრჩხილების დეფორმაცია.
თუ სამსახურის გამო ხშირად გიწევთ მაღალქუსლიანი ფეხსაცმელების ტარება, შეეცადეთ ყველა შემთხვევა გამოიყენთ და თუნდაც ცოტა ხანი გაიხადოთ ფეხსაცმელი, რომ ფეხი დაასვენოთ. მაღალქუსლიანი ფეცსაცმლის ტარება საშიშია თქვენი ჯანმრთელობისათვის!
- 5 სანტიმეტრზე მაღალი ქუსლი
5 სანტიმეტრზე მაღალმა ქუსლებმა შესაძლებელია ისეთივე ნეგატიური გავლენა მოახდინოს თქვენი საყრდენ-მამოძრავებელი აპარატის მდგომარეობაზე, როგორც „შპილკებმა“. გააჩნია რამდენად ინტენსიურად და ხანგრძლივად ხმარობთ თქვენ მას.
მაღალქუსლიანი ფეხსაცმელების ტარების მოყვარულ ქალებს აქვთ რისკი განუვითარდეთ ტერფის სახსრების ართრიტები ან ართროზები, თუ ფეხებზე ხშირად უჩნდებათ ნახეთქები და მაზოლები. წვივის კუნთების ხანგრძლივად დაძაბულ მდგომარეობაში ყოფნისას ირღვევა სისხლის მიმოქცევა და ძლიერდება ვენების ვარიკოზული გაფართოება.
- ბალეტკები
ბრტყელი და თხელი ძირი სხეულს საჭირო საყრდენს ვერ უზრუნველყოფს, ამიტომ არც მათი ტარება არაა სასარგებლო. ასეთ ფეხსაცმელში ფეხები მალე იღლება და იწყებს ტკივილს.
სასურველია ბავშვობის ასაკიდან მცირე ქუსლიანი ფეხსაცმელის ტარება.
- კედები
აქ იგივე სიტუაციაა რაც ბალეტკებთან. არსებობს მოსაზრება, რომ კედები შეიძლება სრულფასოვან ფეხსაცმელად აქციო სპეციალური ქუსლიანი ჩასაფენის საშუალებით. თუმცა ეს ასე არაა, ამით შეიძლება მხოლოდ სიარული უფრო კომფორტული გახდეს დამატებითი ამორტიზაციის გამო და დაღლილობა შეამსუბუქოს.
- „შლოპანცები“
ისინი ვერ აფიქსირებენ ქუსლს, ხოლო ტერფი სიარულის დროს მუდამ იძაბება, რადგან „შლოპანცებს“ იკავებს თითების მოხრის ხარჯზე, ამიტომ მათი ტარება მხოლოდ მცირე მანძილზე შეიძლება – პლიაჟზე, აბანოში, საუნაში, სახლში.
თუ მათ დიდი ხანი ვატარებთ, ფეხების მუდმივი დაძაბულობის გამო შეიძლება გაჩნდეს მტკივნეული შეგრძნებები წელში, კისერზე, ზურგში და თავის ტკივილებიც კი.
როგორი ფეხსაცმელი ვატაროთ?
ყოველდღიური ფეხსაცმელი სასურველია იყოს 2-3 სანტიმეტრიან ქუსლზე, რადგან ის მოსახერხებელია, საყრდენი ჩვენთვის ჩვეულია, ხოლო საყრდენ-მამოძრავებელ აპარატზე დატვირთვა ნაწილდება თანაბრად. ეს შეიძლება იყოს ბოტასები – საკმაოდ მოსახერხებელი და უნივერსალური ფეხსაცმელი. რა თქმა უნდა ისინი ყველა სამოსს არ ერგებიან, მაგრამ თანამედროვე მოდური ტენდენციები თავისუფალ სტილს ცნობს და გარკვეული სტილის ბოტასების მორგება შეიძლება კაბებთანაც. თუმცა არ აურიოთ ნამდვილი ბოტასები, მათ იმიტაციასთან, რომელსაც არაფრი აქვს საერთო ბოტასებთან. ამოირჩიეთ მოსახერხებელი ვარიანტი და გაუფრთხილდით ფეხებს და ჯანმრთელობას.
ბოტასების ძირი უნდა იყოს მსუბუქი და დრეკადი. ბოტასები მორგებისთანავე უნდა კარგად გეჯდეთ ფეხზე და ნუ გათვლით, რომ ისინი თანდათანობით გაიწელებიან. ფეხსაცმელი თავიდანვე ისე მოსახერხებლად უნდა გეჯდეთ ფეხზე, რომ მათი გახდაც კი არ უნდა გინდოდეთ.
ფეხსაცმელი ჯობია საღამოს საათებში შეიძინოთ. ამ დროს ფეხები დაღლილია და ოდნავ შესიებული. საღამოს ყიდვის საშუალებით, თქვენ დაზღვეული იქნებით, რომ ფეხსაცმელმა მოგიჭროთ.
უპირატესობა მიანიჭეთ ნატურალურ მასალებს, რომლებიც „სუნთქავს“. ატარეთ მხოლოდ მოსახერხებელი ფეხსაცმელი და ჯანმრთელობა და სილამაზე ერთმანეთს შეუთავსეთ.
